க்யப𑌼்ப𑌼ெ𑌼 திம்ப𑌼ெ𑌼 ஜிவிக𑌼ெ𑌼
ஒன் பெ𑌼ய்ர்க𑌼ாட்ல் கினிரி யானி எ𑌼ட𑌼்ட𑌼ாளு இத𑌼ெ𑌼க𑌼ெ𑌼. ஆ பெ𑌼ய்ர்க𑌼ாட்ல் ப𑌼ிர்கெ𑌼ல் ஒன்ட𑌼ெ𑌼 ஈரி பட்டெ𑌼த𑌼ெ𑌼. ஆ ஈர்ல் இப்பெ𑌼 ஒன் மன்செ𑌼ன் தங் கத𑌼்த𑌼ெ𑌼ல் க்யப𑌼்ப𑌼ெ𑌼 நட்னித𑌼்த𑌼ெ𑌼. ஆ சமித்தெ𑌼ல் கினிரி யானி எ𑌼ட𑌼்ட𑌼ாமெ𑌼ஙா சிராய பச்சிசெ𑌼த𑌼ெ𑌼. அன் அக𑌼ெ𑌼 எ𑌼ட𑌼்ட𑌼ாளு ஆ மன்செ𑌼ன் நட்னித𑌼ெ𑌼, க்யப𑌼் தோட்க்க பே𑌼செ𑌼க𑌼ெ𑌼. பெ𑌼ய்ட்டு அக𑌼ெ𑌼 அல் பட்டெ𑌼 க்யப𑌼்ப𑌼ிய தின்ட𑌼ித𑌼ெ𑌼க𑌼ெ𑌼. அன் கினிர்க்க கிரி பொட்டாக்கெ𑌼ன்ட𑌼ெ𑌼 பொட்டி சன்ட𑌼ெ𑌼 நெ𑌼ர்த𑌼்த𑌼ெ𑌼த𑌼ெ𑌼. அன் யான்க்க த𑌼ப்பு பொட்டாக்கெ𑌼ன்ட𑌼ெ𑌼 யான் பொட்டி நெ𑌼ர்த𑌼்த𑌼ெ𑌼லா. அன் கினிரீட்டு யானோட𑌼, யன்க்க பொட்டி நெ𑌼ர்த𑌼்த𑌼மா, நவெ𑌼 பெ𑌼ய்ர்க𑌼ாட்க்க போப்பியா, நிய்யெ𑌼 தின்னு பெ𑌼ய்ர்க𑌼ாட்க்க ஒட்டாரெ𑌼 அன்ட𑌼ாட்டு, கினிரி பெ𑌼ய்ர்க𑌼ாட்க்க எ𑌼ட்ன்காட்டு பே𑌼செ𑌼த𑌼ெ𑌼. பின யான்க்க பொட்டி நெ𑌼ர்ல்கெ𑌼ன்ட𑌼ெ𑌼, க்யப𑌼் தோட்ல் பட்டெ𑌼 அர்த𑌼்த𑌼ா க்யப𑌼்ப𑌼ிய தின்ட𑌼ித𑌼்த𑌼ெ𑌼. அத𑌼ங்க𑌼ி யானி க்யப𑌼்ப𑌼ெ𑌼 தின்ட𑌼ிப்பெ𑌼ன் க்யப𑌼்ப𑌼ெ𑌼 திம்ப𑌼ெ𑌼 எ𑌼ச்செ𑌼 தோட்டோட𑌼ெ𑌼 மன்செ𑌼ஙா கே𑌼ட்டெ𑌼த𑌼ெ𑌼. அன் மன்செ𑌼ன் க்யப𑌼்ப𑌼ெ𑌼 தோட்ல் பெ𑌼ய்ட்டு நோட𑌼்ன் யானி க்யப𑌼்ப𑌼ெ𑌼 தின்ட𑌼ித𑌼ெ𑌼ன மன்செ𑌼ன் நோர்செ𑌼த𑌼ெ𑌼. அன் மன்செ𑌼ன் யானிய அட்டெ𑌼செ𑌼த𑌼ெ𑌼. அன் யானி க்யப𑌼் தோட்ல் இத𑌼ெ𑌼னு பெ𑌼ய்ர்க𑌼ாட்க்க ஓட𑌼்செ𑌼த𑌼ெ𑌼.
இன் பெ𑌼த𑌼ெ𑌼னாட𑌼ெ𑌼 காய்ரிக𑌼ெ𑌼