மாக𑌼ால் சமித்தெ𑌼ல் மள்ளி

மாக𑌼ால் சமித்தெ𑌼ல் மள்ளி

2024 ல் நீலக𑌼ிரி ஜில்லாவெ𑌼ல் ப𑌼ாள் மள்ளி பெ𑌼ஜ்ஜொட𑌼ெ𑌼த𑌼ெ𑌼. ப𑌼ாள் மள்ளி பெ𑌼ஜ்ஜோட𑌼ெ𑌼ஙா மன்செ𑌼ர்க்கா எட்ல போக𑌼ெ𑌼லாயெ𑌼 அய்யோட𑌼்லமா. ப𑌼ாள் மள்ளாக்கெ𑌼ன்ட𑌼ெ𑌼 ஸ்க்கோலெ𑌼 க்யல்பெ𑌼 மக்கெ𑌼ர்க்கா எ𑌼ள்ப்பெ𑌼 நாளெ𑌼 மாய்ட𑌼்னட𑌼ெ𑌼க𑌼ெ𑌼. ஜில்லாஎ𑌼ல் இப்பெ𑌼 அர்த𑌼்த𑌼ாமெ𑌼ன்ட𑌼ெ𑌼 கீர்ல்ல நீரெ𑌼 நெ𑌼ர்த𑌼்த𑌼ெ𑌼னாட𑌼ெ𑌼த𑌼ெ𑌼. அன் ஆ கீர்ல்ல இப்பெ𑌼 மன்செ𑌼ன்ட𑌼ெ𑌼 ப𑌼ாள் பே𑌼ர்ச்செ𑌼னு தானு அவொட𑌼ெ𑌼க𑌼ெ𑌼. தொரெ𑌼ல, தோனிர்லிசிரி சிராய நீரெ𑌼 நெ𑌼ர்த𑌼்த𑌼ெ𑌼னாட𑌼ெ𑌼த𑌼ெ𑌼. பின முக்கெ𑌼ல் இத𑌼ெ𑌼னு மண்ணிசிரி உட𑌼்ஜோப்பெ𑌼த𑌼ெ𑌼. அத𑌼ங்க𑌼ாய்னு ம்யர்க𑌼ெ𑌼 ஒட𑌼்ஜே𑌼ய்னு மார்க𑌼ெ𑌼ல ப𑌼ூத𑌼ொப்பெ𑌼த𑌼ெ𑌼. அன் ஆ சமித்தெ𑌼ல் ப𑌼ெ𑌼ய்ண்ட𑌼ிக𑌼ெ𑌼 மார்க𑌼ெ𑌼ல போக𑌼ெ𑌼ல் ப𑌼ாள் பாட𑌼ெ𑌼 ஆப்பெ𑌼த𑌼ெ𑌼. இத𑌼ங்க𑌼ித𑌼ன் கிரி மாக𑌼ால் சமித்தெ𑌼ல் மள்ளி ப𑌼ெ𑌼ஜ்ஜானி ஜனக𑌼ெ𑌼ர்க்கா ப𑌼ாள் எர்த்தாப்பெ𑌼த𑌼ெ𑌼. ஆங்ஙப𑌼ெ𑌼ய்ரி மெ𑌼த்திர்ல இப்பெ𑌼 உட𑌼்க𑌼ெ𑌼ன்ட𑌼ெ𑌼, மன்செ𑌼ன்ட𑌼ெ𑌼 கத𑌼்த𑌼ெ𑌼ல் இப்பெ𑌼 தோனிர்ல மீனெ𑌼 புட𑌼்லாயெ𑌼 பெ𑌼ய்யோட்டெ𑌼க𑌼ெ𑌼. ஆங் பெ𑌼ய்னு மீனெ𑌼 புட𑌼்செ𑌼னு கீர்க்கா எ𑌼ட்ன் ப𑌼ான்ட்டு ஏக்கிரி அட்னு திம்ப𑌼ெ𑌼க𑌼ெ𑌼.