1. ஒன் மெ𑌼த்திர்ல் இத𑌼ெ𑌼 பெ𑌼ணாக்கெ𑌼ன்ட𑌼ெ𑌼 மன்செ𑌼ன்ட𑌼ெ𑌼 ஒன்டெ𑌼 த்யால்க்க யரெ𑌼ங்கா பே𑌼செ𑌼க𑌼ெ𑌼. அதெ𑌼ர் உன்ல் ஒன் பெ𑌼ணாக்கெ𑌼ஙா கித்தாரெ𑌼 சப்பாங்க𑌼ி கே𑌼ப்பெ𑌼லா. ஆக𑌼ெ𑌼 ஒட்டயாளு யரெ𑌼ங்கா பெ𑌼ய்ட்டு த்யால் யரெ𑌼ங்க𑌼ெ𑌼 நெ𑌼ய்ராட்டு யரெ𑌼ங்க𑌼ெ𑌼 தர்ச்சித𑌼ெ𑌼க𑌼ெ𑌼.
ஒன் மெ𑌼த்திரி ஒன்ட𑌼ெ𑌼 இத𑌼்த𑌼ெ𑌼. ஆ மெ𑌼த்திர்ல் இப்பெ𑌼 ஆள்க𑌼ெ𑌼 மாக𑌼ால் சமித்தெ𑌼ல் தொரெ𑌼லா சூன்லெ𑌼 உட்னு மீன் புட𑌼்லாயெ𑌼 போப்பெ𑌼க𑌼ெ𑌼. மளி பெ𑌼ஜ்ஜனி கிரி அக𑌼ெ𑌼 கீர்ல் இப்பெ𑌼லு.
அக் கால்த்தெ𑌼ல் இத𑌼ெ𑌼 நஙமன்செ𑌼ன்ட𑌼ெ𑌼 அதெ𑌼ர்க்க தின்லாயெ𑌼 அவெ𑌼செ𑌼 இப்பெ𑌼 சாத𑌼ன்க𑌼ெ𑌼ட𑌼்ன அக𑌼ெ𑌼 தன்னி ப𑌼ெ𑌼ளா கிஜொட்டுக𑌼ெ𑌼.
அக் காலத்தெ𑌼ல் இத𑌼ெ𑌼 நஙமன்செ𑌼ன்ட𑌼ெ𑌼 பெ𑌼ய்ர்க𑌼ாட𑌼ெ𑌼 ஓக𑌼ி தன்ன ப𑌼ாள்த𑌼்த𑌼ெ𑌼னு பன்னட𑌼ெ𑌼க𑌼ெ𑌼. அன் ஆ மன்செ𑌼ன்ட𑌼ெ𑌼 பெ𑌼ய்ர்க𑌼ாட்ல் கெ𑌼ட்டெ𑌼 பண்ணிய பர்ச்செ𑌼னு தின்னட𑌼ெ𑌼க𑌼ெ𑌼. அக் கால்த்தெ𑌼ல் இத𑌼ெ𑌼 மன்செ𑌼ன்ட𑌼ெ𑌼 எப𑌼ுனு தன்ன பெ𑌼ய்ர்க𑌼ாட்க்க பெ𑌼ய்ட்டு பண்ணெ𑌼 பர்ச்செ𑌼னு போப்பெ𑌼க𑌼ெ𑌼.
யங்க𑌼ெ𑌼 மிங்ஙெ𑌼னாரெ𑌼, ஆத𑌼ாரெ𑌼 திங்க𑌼ெ𑌼ல்த்தெ𑌼ல் பாய் புல்லெ𑌼 எ𑌼ட𑌼்லுஙா ப𑌼ெ𑌼ய்ரி பெ𑌼யர்க𑌼ாட்ல் இப்பெ𑌼 தொரிய கட𑌼்த𑌼்த𑌼ெ𑌼னு பாய் புல்லெ𑌼 எ𑌼ட𑌼்லாயெ𑌼 போப்பெ𑌼க𑌼ெ𑌼. பாய் புல்லெ𑌼 கெ𑌼ய்லாயெ𑌼 எருவி, கய்ன்னி ஒட்டய எ𑌼ட்னு போப்பியு.
அக் கால்த்தெ𑌼ல் இத𑌼ெ𑌼 நங மன்செ𑌼ன் பெ𑌼ய்ர்க𑌼ாட𑌼ெ𑌼 ஓக𑌼ி தனு ப𑌼ாள்த𑌼்த𑌼ெ𑌼னு ப𑌼ன்னட𑌼ெ𑌼க𑌼ெ𑌼. அன் பெ𑌼ய்ர்க𑌼ாட்ல் கெ𑌼ட்டு பச் க்ய்லியா எ𑌼ட்செ𑌼னு, கிக்கி, மறி பின கிரிக𑌼ு கிக்கியா இசிரி பெ𑌼ன்டெ𑌼னு தங் கீரி அவெ𑌼செ𑌼க்க எ𑌼ட்சோட்டெ𑌼க𑌼ெ𑌼.
அக் கால்த்தெ𑌼ல் இத𑌼ெ𑌼 ஆள்க𑌼ெ𑌼 தங் மக்கெ𑌼ர்க்க பின பேர்ன்ட𑌼ெ𑌼, பேர்த்தெ𑌼ர்க்க நங் ப𑌼ாஜெ𑌼ல் இப்பெ𑌼 மூங்கத𑌼ிய, எ𑌼ட𑌼்ல் சமித்தெ𑌼ல் நிச்செ𑌼 தின் திதாட்டு, அர்க𑌼்க𑌼ெ𑌼ல் ப𑌼ாட𑌼ெ𑌼 சமித்தெ𑌼ல் மூங் கத𑌼ி பே𑌼ன்கொட்டொட்டெ𑌼க𑌼ெ𑌼.
ஒன் மெ𑌼த்திர்ல் இப்பெ𑌼 ஆள்க𑌼ெ𑌼 தெ𑌼வெ𑌼லேக்கிரி எ𑌼ட்ன் ப𑌼ாட𑌼்லாயெ𑌼 ஆ மெ𑌼த்திர்ல் இப்பெ𑌼 க𑌼ெ𑌼ண்ட𑌼ால்க𑌼ெ𑌼, பெ𑌼ணாக்கெ𑌼ன்ட𑌼ெ𑌼, முட்க்கெ𑌼ன்ட𑌼ெ𑌼, முட்கெ𑌼ரெ𑌼,பின மக்கெ𑌼 ஒட்டயாளு போப்பெ𑌼க𑌼ெ𑌼<
ஒன் மெ𑌼த்திர்ல் ஆல்ம்யரி இத𑌼்த𑌼ெ𑌼. ஆல்ம்யரி ப𑌼ேர்ல் ஆ மெ𑌼த்திர்ல் இப்பெ𑌼 மக𑌼்கெ𑌼 ஊய்லி ஆட𑌼்ளுஙாப𑌼ெ𑌼ரி என்ட𑌼ெ𑌼 போப்பெ𑌼க𑌼ெ𑌼. பெ𑌼ய்ட்டு ஆல்ம்யரொட𑌼 ஆ மக்கெ𑌼 யங்க𑌼ொட்டயாளு நின் ப𑌼ேர்ல் ஊய்லி ஆட𑌼ிய அன்பெ𑌼னு கே𑌼ட்டெ𑌼க𑌼ெ𑌼. அன் ஆல்ம்யரி பெ𑌼த𑌼்த𑌼ெ𑌼 நிங்க𑌼ெ𑌼 ஒட்டயாளு யன் ப𑌼ேர்ல் ஊய்லி ஆட𑌼ெ𑌼க𑌼ெ𑌼 யன்க்க ப𑌼ாள ஒப்பமா அன்பெ𑌼னு ஆல்ம்யரி ஆ மக்கொட𑌼 பெ𑌼த𑌼்த𑌼ெ𑌼. அல்க்க ஆ மக்கெ𑌼 பெ𑌼த𑌼ெ𑌼க𑌼ெ𑌼 யங்க𑌼ெ𑌼ர்க்க நின் ப𑌼ேர்ல் ஊய்லி ஆட𑌼ெ𑌼க𑌼ெ𑌼 யங்க𑌼ெ𑌼ர்க்க ஒப்பமா எ𑌼ன்ட𑌼ாட்டு ஆ மக்கெ𑌼 ஆல்ம்யட𑌼்தெ𑌼ல் ஊய்லி ஆட𑌼ெ𑌼க𑌼ெ. பின ஆ மக்கெ𑌼 ஆ ம்யட்தெ𑌼ல் ஊய்லி ஆட𑌼ெ𑌼க𑌼ெ𑌼 அல்லிப்பெ𑌼 மன்செ𑌼ன்ட𑌼ெ𑌼ர்க்க ஒப்பெ𑌼ளா.
இன் பெ𑌼த𑌼ெ𑌼னாட𑌼ெ𑌼 காய்ரிக𑌼ெ𑌼