தமில்நாட்ல் இப்பாத்து ஜில்லாவெ𑌼ல் 10 மெ𑌼ய்ணிக்கூரெ𑌼 மளி பெ𑌼ய்வெ𑌼த𑌼ெ𑌼.

பய்ரெ𑌼: ப𑌼ாள் மள்ளாக்கெ𑌼ன்ட𑌼ெ𑌼 எருமாட𑌼ெ𑌼 அம்ப𑌼ெ𑌼 ஜாக𑌼ெ𑌼ல் ம்யரி ப𑌼ுத𑌼்த𑌼ெ𑌼னாட𑌼ெ𑌼த𑌼ெ𑌼.

குட𑌼்லாரெ𑌼: த𑌼்யவெ𑌼ர்சோலெ𑌼 பின 2 மைல்ஸெ𑌼 அம்ப𑌼ெ𑌼 ஜாக𑌼ெ𑌼லா மார்க𑌼ெ𑌼ல் ஏ𑌼செ𑌼 ப𑌼ெ𑌼ன்ட𑌼ிக𑌼ெ𑌼ர்ன யான்க𑌼ெ𑌼 பிர்சத𑌼ெ𑌼க𑌼ெ𑌼.

பய்ரெ𑌼: கன்னம்ப𑌼ள்ளி பின கோரஞ்ஜால் அம்ப𑌼ெ𑌼 ஜாக𑌼ெ𑌼ல் என்ட𑌼ெ𑌼 யான்க𑌼ெ𑌼 ஜனக𑌼ெ𑌼 இப்பெ𑌼 மெ𑌼த்திர்க்கா பெ𑌼ய்யோட𑌼ெ𑌼க𑌼ெ𑌼.

குட𑌼்லாரெ𑌼 எச்சம் அம்ப𑌼ெ𑌼 ஜாக𑌼ெ𑌼ல் பின குனியல் அம்ப𑌼ெ𑌼 ஜாக𑌼ெ𑌼ல் பெ𑌼ய்ர்க𑌼ாட்ல் யான்க𑌼ெ𑌼ர்ன அட்லாயெ𑌼 த்யப்பெ𑌼க𑌼ாட𑌼ெ𑌼ல் இத𑌼ெ𑌼னு தாட்டெ𑌼 யான்க𑌼ெ𑌼ர்ன குய்ட்னு பெ𑌼ய்னாட𑌼ெ𑌼க𑌼ெ𑌼.

ப்ய்ரெ𑌼 சப்பந்த𑌼ோட𑌼ெ𑌼 அம்ப𑌼ெ𑌼 ஜாக𑌼ெ𑌼ல் ஒன் கோட𑌼்ண் கீர்லித𑌼ெ𑌼னு போனிய கத𑌼ெ𑌼ட்ன் பே𑌼செ𑌼த𑌼ெ𑌼.

ரே𑌼செ𑌼ன் அங்காய்ர்த்தெ𑌼ல் ஜனக𑌼ெ𑌼ர்க்கா தப்பெ𑌼 சாத𑌼ன்க𑌼ெ𑌼 ப𑌼ால் தட்டெ𑌼 பாட𑌼ெ𑌼 ஆய்னாட𑌼ெ𑌼த𑌼ெ𑌼 அன்பெ𑌼னு எட𑌼ப்பாட𑌼ி பலனிசாமி பெ𑌼த𑌼ெ𑌼னட𑌼ெ𑌼த𑌼ெ𑌼.

நெ𑌼ன்ட𑌼ெ𑌼 எ𑌼ர்லெ𑌼ஙா ஏ𑌼ம்ப𑌼ெ𑌼லெ𑌼 மெ𑌼த்திர்க்கா யானி ப𑌼ான்டு கத𑌼்த𑌼ெ𑌼லா நட்னித𑌼ெ𑌼 ப𑌼ாளிய தின்ட𑌼ெ𑌼த𑌼ெ𑌼.