சவெ𑌼ரெ𑌼 ஏக்கெ𑌼ர் கண்க்கெ𑌼ல் ஒன் ப𑌼ெ𑌼ளா கிஜெ𑌼னு 25 கோட𑌼ி கண்க்கெ𑌼ல் த𑌼ுட𑌼்ட𑌼ெ𑌼 சம்ப𑌼ார்செ𑌼னட𑌼ெ𑌼த𑌼ெ𑌼.

ப𑌼ொக்புரெ𑌼 பெ𑌼ணாக்கெ𑌼ன்ட𑌼ெ𑌼 க𑌼ும்பெ𑌼ல் இப்பெ𑌼 பெ𑌼ணாக்கெ𑌼ன்ட𑌼ெ𑌼ர்க்க சோப்பெ𑌼 பெனாய்லெ𑌼 எடங்க𑌼ி கீவெ𑌼 அன்பெ𑌼னு நிர்மாண் சொசைட்டி பின ஆல் த𑌼ி சில்ரன்ஸ் பெ𑌼ய்னியெ𑌼 கீவெ𑌼 ஆள்க𑌼ெ𑌼 பெ𑌼த𑌼ெ𑌼ன் கொட்டெ𑌼க𑌼ெ𑌼.

தமில்நாட𑌼ெ𑌼: ப்யரெ𑌼 அம்ப𑌼ெ𑌼 ஜாக𑌼ெ𑌼ல் கீர்ல்சமியெ𑌼 இப்பெ𑌼 பெ𑌼ணாக்கெ𑌼ன்ட𑌼ெ𑌼ர்க்க தின்லாயெ𑌼 ப𑌼ாளயுன பே𑌼ன்கொட்டெ𑌼க𑌼ெ𑌼.

த𑌼ிம்ப𑌼ம் அம்ப𑌼ெ𑌼 ஜாக𑌼ெ𑌼ல் ப𑌼ெ𑌼ட்ல் இப்பெ𑌼 மார்க𑌼ெ𑌼ல் சுமார் மஞ்ஜி மூய்ட𑌼்னட𑌼ெ𑌼த𑌼ெ𑌼.

த𑌼்யவெ𑌼லெ𑌼 ஒன் முத்க்கெ𑌼ன பெ𑌼ய்ர்க𑌼ாட்ல் யானி ஒன் க்யன்கத𑌼்த𑌼ெ𑌼.

மேட்டெ𑌼பாள்த்தெ𑌼ல் இப்பெ𑌼 ப𑌼வானி தொரெ𑌼ல் நீரெ𑌼 ஜெ𑌼ய்த்தி ஆய்னாட𑌼ெ𑌼த𑌼ெ𑌼.

மேட்டெப்பாள்த்தெ𑌼லீட்டு ஊட்டிக𑌼ுட்னு போப்பெ𑌼 ப𑌼ாள்மோட்ரெ𑌼 நாக் நாளெ𑌼 கல்ஜி இன்ட𑌼ெ𑌼 பினு ப𑌼ுட𑌼்லாயெ𑌼 தெ𑌼ர்க𑌼ெ𑌼னாட𑌼ியு.

நீலக𑌼ிரி ஜில்லாவெ𑌼ல் ப𑌼ாள் மளி பெ𑌼ஜ்ஜொட𑌼ெ𑌼ஙா, மார்க𑌼ெ𑌼லா ம்யரி ப𑌼ுத𑌼்த𑌼ெ𑌼னு அவொட𑌼ெ𑌼த𑌼ெ𑌼. அத𑌼ெ𑌼ஙாப𑌼ெ𑌼ய்ரி ப𑌼ெ𑌼ன்ட𑌼ி போக𑌼ெ𑌼ல் பாட𑌼ெ𑌼 அய்னட𑌼ெ𑌼த𑌼ெ𑌼.