நீலக𑌼ிரித்தெ𑌼ல் பய்ரெ𑌼 அம்ப𑌼ெ𑌼 ஜாக𑌼ெ𑌼ல் நல் மளி பெ𑌼ஜ்ஜெ𑌼த𑌼ெ𑌼.

கோத்தக𑌼ிரித்தெ𑌼ல் ப𑌼ாள் மளி பெ𑌼ஜ்ஜோட𑌼ெ𑌼ஙப𑌼ெ𑌼ய்ரி, தீயாலி ஒட்டய நலாய ப𑌼ள்த𑌼்த𑌼ெ𑌼னட𑌼ெ𑌼த𑌼ெ𑌼.

கோத்தக𑌼ிரியெ𑌼ல் ஜனக𑌼ெ𑌼 இப்பெ𑌼 மெ𑌼த்திரோக்கா கெ𑌼ர்மெ𑌼ன் பிலியெ𑌼 பே𑌼செ𑌼த𑌼ெ𑌼. ஆஙப𑌼ெ𑌼ய்ரி அல்லி இப்பெ𑌼 ஜனக𑌼ெ𑌼 பே𑌼ய்ர்த்தெ𑌼ல் அவொட𑌼ெ𑌼க𑌼ெ𑌼.

குட𑌼்லாரெ𑌼 அட𑌼ெ𑌼த்தெ𑌼 இப்பெ𑌼 த𑌼ேவர்சோலெ𑌼 அம்ப𑌼ெ𑌼 ஜாக𑌼ெ𑌼ல் ஒட்ரெ𑌼 கத𑌼்த𑌼ி அம்ப𑌼ெ𑌼 ஒன் மெ𑌼த்திரி ப𑌼ிர்க்கெ𑌼ல் கெ𑌼ர்மெ𑌼ன் பிலியெ𑌼 இத𑌼்த𑌼ெ𑌼.

கோயம்ப𑌼த்தூர்ல் பால் ப𑌼ுட்டிய எ𑌼ட்செ𑌼னு யான் மெரியா தன் அப𑌼்ப𑌼ெ𑌼லியா சே𑌼ர்செ𑌼லாயெ𑌼 பாரெ𑌼ட்டொட𑌼ெ𑌼க𑌼ெ𑌼 ப𑌼ால் பாட𑌼ெ𑌼 பட்டொட𑌼ெ𑌼க𑌼ெ𑌼.

மூங்க𑌼ெ𑌼ல் அங்க𑌼ாய்ருலி இப்பெ𑌼 மார்க𑌼ிய மர்க்கெ𑌼செ𑌼னு எ𑌼த𑌼ினிப்பெ𑌼 யான்க𑌼ெ𑌼.

ப்ய்ரெ𑌼: தட்டாம்பாறை அம்ப𑌼ெ𑌼 ஜாக𑌼ெ𑌼ல் சுமார் யான்க𑌼ெ𑌼 அவொட𑌼ெ𑌼க𑌼ெ𑌼. ஆ யான்க𑌼ெ𑌼ர்ன நே𑌼ய்ர்னு ஆ ப𑌼ிர்ல் இப்பெ𑌼 ஜனக𑌼ெ𑌼 பே𑌼ர்செ𑌼னு அவொட𑌼ெ𑌼க𑌼ெ𑌼.

ஏக்கெ𑌼ர் சாத𑌼ன்க்க ப𑌼ெ𑌼ளி ஜெ𑌼ய்த்தி ஆய்னாட𑌼ெ𑌼த𑌼ெ𑌼.